पाल्पा, जेठ ३०
लोक तथा दोहोरी गायक रामचन्द्र चन्दकी मायालु ‘मौरी जस्तै’ छिन् । तर मौरी जस्ती मायालुले रानो भने पाईकी छैनन् । यी गीतको भाब हो । गायक चन्दले मायालुलाई रानो बिनाको मौरी र आफृु भने मायालु बिनाको भएको बताएका छन् । ‘मौरी जस्तै’ लोक गीत हालै बजारमा ल्याएको गायक चन्दले बताएका छन् । भिडियोसहित सार्वजनिक गीतमा गायक चन्दसँगै गायिका टीका प्रसाइको स्वर रहेको छ।
गीतमा एकअर्कालाई प्रेम गर्ने प्रेमि जोडीको प्रेम कथालाई मूख्य विषय बनाइएको छ। जसलाई मौरी र रानोसंग तुलना गरिएको छ । गीतमा विक्रमबाबू बिश्वकर्माको शब्द तथा नन्दु परियारको संगीत रहेको छ भने कृष्ण बिकले एरेन्ज गरेका छन्।
फरक स्वादको गीतलाई दर्शकश्रोताले अत्यधिक माया दिइरहेका छन् ।गायक चन्दको यो भन्दा अगाडि घाटी रेट्नलाई बजारमा आएको थियो त्यो गीतलाई पनि दर्शकश्रोताले धेरै माया दिएका थिए।
https://www.youtube.com/watch?v=djzyRo-
यस्तै गीतको भिडियोमा अर्जुन सापकोटा, काव्य खड्का र गौरव हमालको अभिनय रहेको छ भने प्रविण थापाको निर्देशन रहेको छ। गीतलाई गायक स्वयम् चन्दको अफिसियल युट्युवमार्फत सार्वजनिक गरिएको छ। यस अगाडि बजारमा आएका गीतलाई जसरी दर्शकश्रोताले माया दिएका थिए यो गीतलाई पनि उस्तै माया र साथ दिने गायक चन्दको विश्वास र अपेक्षा रहेको छ।
गायक चन्दको चरि रुखैमा, माया सारै छ लगायत धेरै चर्चित गितहरु रहेका छन् ।
