पाल्पा, जेठ २
पाल्पामा पौडी खेल्ने क्रममा डुबेर एक किशोरको मृत्यु भएको छ । मृत्यु हुनेमा तिनाउ गाँउपालिका ५ बिसुनडाँडा घर भई हाल माथागढी गाउँपालिका ३ अगेनी बस्ने १५ बर्षका योगेश सुनारी रहेको जिल्ला प्रहरी कार्यालय पाल्पाले जनाएको छ । हिजो बेलुका करिब ६ बजेको समयमा सुनारी अन्य २ जना साथीहरु संग नुहाउन भनि तिनाउ खोलामा गएका थिए । पानीमा डुबि बेहोस भएका सुनारीलाई स्थानीय र प्रहरीको सहयोगमा उद्धार गरि उपचारका लागी लुम्बिनी मेडिकल कलेज तानसेन पुर्याईएकोमा उपचारको क्रममा मृत्यु भएको चिकित्सकले जनाएका छन् ।
