सुशीला रेग्मी
रामपुर (पाल्पा), २१ वैशाख

कालीगण्डकी नदीमा पौडी खेल्ने क्रममा डुबेर बेपत्ता भएका युवक पाँच दिनपछि आज फेला परेका छन् । रामपुर नगरपालिका ४ स्थित कालीगण्डकीको कोप्चेघाटमा गत वैशाख १६ गते अपरान्ह पौडी खेल्ने क्रममा २१ वर्षीय अभिषेक राउत बेपत्ता भएका थिए ।
खोजी कार्य गर्ने क्रममा आज विहान पौने आठ वजेको समयमा रामपुर ४ वडभानस्थित कालीगण्डकी नदी किनारमा आधा भाग डुबेको र आधा भाग पानी बहिर भएको अवस्थामा स्थानीय र प्रहरीले फेला पारेको इलाका प्रहरी कार्यालय रामपुरका निमिक्त प्रमुख प्रहरी बरिष्ठ नायव निरिक्षक दलबहादुर बुढाले जानकारी दिनुभएको छ ।
भारतको हिमान्चल प्रदेश कसैली घर भएका राउत रामपुर–५, बेझाँड स्थित एक ट्याटु हाउसमा साथीसंग काम सिक्न आएका हुन् । शनिवारको दिन साथीहरुसंगै नदीमा पौडी खेल्न पुगेका थिए । शवलाई पोष्टमार्टका लागि अहिले रामपुर अस्पतालमा लैजाने तयारी भइरहेको प्रहरीले जनाएको छ ।