latest
बालेनको अग्निपरीक्षा : दिल्लीलाई रिझाउने कि नेपालको पीडा सुनाउने?  ||    पाल्पाको दमकडा मावि अन्तर्राष्ट्रिय गुणस्तरबाट प्रमाणीकरण  ||    चिच्याएर वर माग्ने सत्यवती बज्यै मन्दिरको उद्घाटन, गुरुयोजना बनाउँदै तिनाउँ  ||    राष्ट्रिय कर दिवस : बुटवलमा उत्कृष्ट करदातालाई सम्मान  ||    पुष्कर शाहसहित २०० साइकलयात्री पाल्पा आउँदै, मंसिर ५ देखि हेरिटेज राइड  ||    विशेषज्ञ चिकित्सकदेखि एनामली स्क्यानसम्म: २४ घण्टे सेवा लाइफकेयर सञ्चालन  ||    बर्तुङ बहुउद्देश्यीय सहकारीको आठौँ वार्षिक साधारणसभा सम्पन्न  ||    २० युनिटसम्म विद्युत खपत गर्ने उपभोक्ताको महसुल तानसेन नगरपालिकाले व्यहोर्ने  ||   
शनिबार , मंग्सिर ६, २०८३

पाल्पा, २५ असोज
पाल्पाको निस्दी गाउँपालिकामा बल्ल बिजुली पुगेको छ । बिद्युतका लागि पैसा बुझाएको एक दशकपछि पाल्पाको निस्दी गाउँपालिकाको ज्यामिरे, बतासा र सिन्दुरे गाउँमा पहिलो पटक बिजुली बत्ती बलेको हो । ज्यामिरेको बतासा र सिन्दुरे गाउँमा बिगत लामो समय देखि बिजुली बत्तीको पर्खाइमा रहेका स्थानीयहरु पहिलो पटक बत्ती पुगेपछि खुशी भएका छन् ।
बिद्युतका लागि ज्यामिरेका स्थानीयले दश बर्ष अगाडी करिब २ लाख रुपैया बुझाएको भएपनि दशकसम्म पनि बिजुली बाल्न नपाएपछि स्थानीय निराश बनेका थिए । ढिलै भएपनि गाउँमा बल्ल बिजुली बलेपछि स्थानीय अहिले उत्साहित भएका छन् ।
निस्दी गाउँपालिकामा अझैपनि ६० प्रतिशत नागरिकहरु बिद्युतको पहुच भन्दा बाहिर रहेका छन् । बाकी रहेका गाउँमा पालिकाले बिद्युत बिस्तारका लागी ७२ करोड रकम बिनियोजन गरेर काम गरिरहेको छ ।
बिद्युत बिस्तार भएपछि गाउँका ४५ घरपरिवारले सुबिधा लिएका छन् । गाउँपालिकाका अध्यक्ष मुक्त बहादुर सारुले स्थानीयको मेहनत,साथ र सहयोगले बिजुली बाल्न सकिएको भन्दै सम्बन्धित सबैलाई धन्यवाद दिए । स्थानीय बासिन्दाको एकता भएमा बिकासका काममा सफलता मिल्ने भन्दै आफुले सधै सकारात्मक सुझाबको अपेक्षा राखेको उनले बताए ।
गाउँमा बिजुली बत्ती बलेपछि विद्यार्थीहरुलाई पढ्न,रेडियो सुन्न, टिभी हेर्नका लागि सजिलो हुने र टुकीको भरमा बस्नु नपर्ने जनप्रिय माबिका प्रअ टेक बहादुर पल्लीले बताए ।

प्रतिक्रिया

सम्बन्धित खवर

ताजा समाचार

लोकप्रिय