रुपन्देही, मंसिर १२
न्यायपूर्ण, समृद्ध र समावेशी समाज निर्माणका लागि बालअधिकारका विषयवस्तु पाठ्यक्रममा समावेश गर्न सरोकारवालाहरुले सुझाएका छन् । बालबालिकाले मौलिक मानव अधिकारको उपभोग गर्न बालअधिकार, बालसंरक्षण र बालसहभागिता जस्ता विषयवस्तु पाठ्यक्रममा राखेर भविष्यका कर्णधारलाई बलियो बनाउनुपर्ने बताइएको हो ।
बिहिबार सिद्धार्थनगर नगरपालिकामा सिविन नेपालको सामाजिक परिक्षण कार्यक्रममा सरोकारवालाहरुको भेलाले बालबालिकाहरुको क्षमता वृद्धि गर्ने बाटो सुनिश्चित गर्नुपर्ने बताएका छन् । जिल्ला समन्वय समिति रुपन्देहीका प्रमुख उमाकान्त चपाईले स्थानीय पाठ्यक्रममा भएपनि बालबालिका सम्बन्धित विषयहरु बाल अधिकार सुरक्षित गर्ने हाम्रो सिद्धान्त र अभ्यासमा पूर्णता, र बालबालिकाको सुरक्षा र सर्वोत्तम हितहरू सुरक्षित गर्नमा लागि लाग्नुपर्ने समय आएको बताएका हुन् । उनी भन्छन्, अहिलेको स्थानीय सरकार नाममात्रको भयो, अब व्यवहार्य समाधान खोज्ने हाम्रो समाजप्रतिको हाम्रो दायित्वको भावना बलियो बनाउनु छ । सिद्धार्थनगर नगर बालक्लवका अध्यक्ष ताराबहादुर बेल्वासेले स्थानीय पाठ्यक्रममा गुडटच, ब्याडटचदेखी बृहत यौनिक शिक्षाका कार्यक्रमहरु राख्नुपर्छ ।
सिविन नेपालले समुदायस्तरबाट विचारहरु संकलन गर्दै बालबालिकाको इोत्रमा विषयगत विज्ञ मार्फत् कार्य गरिरहेको संस्थाका अध्यक्ष माधव प्रधानले बताए । परियोजना विकास गर्दा समुदायसँग पुगिएको छ, सिविनले घरेलु बालश्रमिक, सडक बालबालिका, अनलाईन सेफ्टी लगायतका काम माइति नेपाल लगायत संस्थासँग समन्वय गरेर गरिरहेको बताए । संस्थाको सामाजिक परिक्षणममा उठेका विषयवस्तु समेत प्रधानले सम्बोधन गरेका थिए ।
सिद्धार्थनगर नगरपालिका नगर उपप्रमुख उमा अधिकारीले सिद्धार्थनगर बोर्डर क्षेत्र भएको हुँदा बालबालिकाहरु हराउने, भेटिने तथा समस्यामा पर्ने लगायतका कार्यहरु धेरै हुने गरेको बताईन् । भेटिएका बच्चाहरुलाई सरकारी कागजात बनाउन निकै समस्या भएको छ, उनीहरुको व्यवस्थापन पनि भने अनुसार गर्न सकिएको छैन, उपप्रमुख अधिकारीले भनिन्, सरकारले गर्नुपर्ने काम अहिले सिवोन नेपालले गरेको छ, बोर्डरबाट उद्दार गरेर ल्याउनु निकै कठिन कार्य रहेछ । कार्यक्रममा निरिजना भट्टले सिवोन नेपालले नेपालका ७ स्थानमा बालहेल्पलाईन स्थापना गरेको बताउँदै २ हजार २ सय २४ समस्याहरु लुम्बिनीमा गुनासोको रुपमा प्राप्त भएको बताईन् । विभिन्न एजेन्सी मार्फत् बालबालिकाको साथमा सातवटै प्रदेशमा बालअधिकार, बालसंरक्षण, बालसहभागीताका लागि बालबालिका र किशोरकिशोरीहरुलाई साथमा लिएर अगाडी बढिरहेको उनले बताईन् । अनलाईन सेफ्टी हुनको लागि आवाज उठाउने नेपालको पहिलो संस्था भएको बताउँदै भट्टले भूकम्पपछि बालबालिकाको मानसिक स्वास्थ्यमा काम गर्न लागिपरेको बताएकी थिईन् । सिविन एक अभियान भएकोले कार्ययोजना अगाडी बढाउनको लागि सहभागितात्मक योजना रणनीतिक कार्ययोजना सहित अगाडी बढेको बताईन् ।
रुपन्देहीमा सुफासेक परियोजनाः बालबालिका तथा किशोरकिशोरीको यौन तथा प्रजनन, एमसिआरआर परियोजना, बालअधिकारको वकालत गर्ने, बालबालिका तथा किशोरकिशोरीहरुको मानसिक स्वास्थ्य कार्यक्रम गरिएको फुलमाया पासवानले बताईन् । सोही अवसरमा नेपाल परिवार नियोजन संघ पाल्पाका प्रमुख शोवाकान्त न्यौपानेले बहृत यौनिक शिक्षा विषयमा तालिम प्रदान गरेका थिए ।
सिविन नेपाल नेपाली बालबालिकाको पक्षमा थुप्रै असल अभ्यासहरुको थालनी र सकारात्मक परिवर्तनहरु गर्न राष्ट्रिय नीति तथा कानुनहरू अन्तरगत राज्यका विभिन्न तहहरूमा बालसंरक्षणका लागि संरचनाहरू निर्माण गर्न, बालअधिकारको मुद्दालाइ अगाडी बढाउने लगाएका काम गर्दै अाइरहेकाे छ ।
प्रतिक्रिया
सम्बन्धित खवर
