रैनादेवी छहरामा जिपको ठक्करबाट पैदलयात्रीको मृत्यु भएको छ । रैनादेवी छहरा गाउँपालिका–१, सिद्धेश्वरका ४२ वर्षीय खड्कबहादुर पुनकाे मृत्यु भएकाे जिल्ला प्रहरी कार्यालय पाल्पाले जनाएकाे छ ।
बिहीबार बेलुकी ६ बजेतिर रैनादेवी छहरा–४, धजाबान्नेस्थित अमलाबास–भुवनपोखरी भित्री कच्ची सडकखण्डमा भुवनपोखरीबाट सिद्धेश्वर जाँदै गरेको लु १ ज ४२३१ नम्बरको पिकअप जिपले बाटोमा हिडिरहेका पुनलाई ठक्कर दिएको थियो । जिपको ठक्करबाट गम्भीर घाइते पुनको उपचारका लागि तानसेनस्थित लुम्विनी मेडिकल कलेज प्रभासमा लगिएकाेमा चिकित्सकले मृत घोषणा गरेका थिए ।
