स्थानीय सरकारले केही नगरैकै कारण पूनः वडाध्यक्षमा मेराे उम्मेदवारीः कार्की

स्थानीय सरकारले केही नगरैकै कारण पूनः वडाध्यक्षमा मेराे उम्मेदवारीः कार्की

पाल्पा, वैशाख २६

तानसेन नगरपालिका वडा नं. ११ मा विगत चार वर्षमा केही विकासका काम नभएकाे भन्दै यादवसिंह कार्की चुनावी मैदानमा हाेमिएका छन् । नगरपालिका क्षेत्र भएर पनि विकासमा कमजाेर र जनताकाे स्तर विकास हुन नसकेकाेले विकास निर्माणलाइ अगाडी बढाउनु अावश्यक रहेकाे भन्दै उम्मेदवारी दिएका हुन् ।

विं.सं. २०७४ मा तानसेन नगरपालिका वडा नं. ११ को वडा अध्यक्षको उम्मेदवार भएर उपविजयी कार्की पून निर्वाचनमा हाेमिएका छन् ।उपविजेता भएपनि कुनै गुनासो र निराश नभई थप सामाजिक काम गर्ने अवसर मिलेको बताउछन् । तानसेन नगरपालिका वडा नं. ११ का वडाअध्यक्षका उम्मेदवार यादव सिंह कार्कीले लामो समयदेखि वडावासीले भोग्दै आएको समस्या समाधान गर्नको लागी आफनो उम्मेदवारी दिएको बताउछन् । उनले वडामा रहेको खानेपानी, मोटरबाटोबाट दैनिक जसो स्थानीयले भोग्नुपरेको समस्यालाई समाधान गर्ने बताए । निकै लामो समयदेखी स्थानीयले पहिरोले पुरेका घर व्यवस्थापन गर्न सकेका छैनन् । एमालेको सरकार हुँदा क्षतिपुर्ती समेत नपाउदा दैनिकी चलाउन नसकेका , मोटरबाटो नबन्दा जोखिम मोलेर हिडिरहेका स्थानियहरुको मुहारमा चमकता ल्याउन पनि आफनो उम्मेदवारी दिएको बताए।
कार्कीले कोरोनाका कारण विश्व आक्रान्त परेको बेलामा आफनो ज्यान र परिवारलाई थाती राखेर सामाजिक सेवामा होमिएका थिए । मान्छेमा मानवता हराएको छ । एकातिर कोरोनाको डरक्रास र अर्कोतिर पिडा र छटपटाईरहेकालाई सहयोग गर्नु मेरो मानवताभित्र पर्दछ भन्ने लागेर मैले यो काम सुरु गरेको उम्मेदवार कार्कीले बताउँछन् ।

आफनो ठाउँमा विभिन्न समस्यामा परेकाहरुलाई सहयोग गर्दै आइरहनुभएको छ । अब हुने चुनावमा काम ,योगदान सक्षमता र योग्यता हेरेर मूल्याङकन हुनेछ भन्नेमा विश्वास आफू ढुक्क रहेको बताउछन् । आफ्नो क्षेत्रलाई कसरी युग सुहाउदो खालको बनाउन सकिन्छ भनेर व्यवस्थित गर्नमा तल्लीन रहेको भन्दै उनले , भोलीका दिनमा स्थानीयले कल्पना गरेको समाज निर्माण गर्ने परिकल्पना रहेको समेत बनाए ।

भनिन्छ चाहाना गरिसकेपछि र निरन्तर लागिरहेपछि आफनो चाहाना पुरा हुन्छ । त्यही विश्वासमा रहेर आफनो काममा अडिग रहेर संर्घष गर्नुभएका कार्कीले यो सपना पनि साकार हुनेछ भन्ने विश्वास राखेको बताए । पाल्पा पर्यटन विकासको अभिन्न अङ्ग भएकाले यस क्षेत्रमा खुलेर काम गर्न इच्छा रहेको र मुलुकको समृद्धि पर्यटन, कृषि र जलस्रोतबाट मात्र सम्भव भएकाले जो जहाँ भएपनि जुन पार्टीमा रहेपनि भोगीरहेको समस्यालाई समाधान गर्न रुखमा मत हालेर समग्र वडाको विकासको लागी मतको सदुपयोग गर्न सुझाव दिए । सो कार्यलाई पूर्णता दिन सक्रिय भूमिका निभाउनुपर्ने आवश्यकता रहेकाले यो स्थानको पर्यटन प्रवद्र्धन गर्नमा लागिपरेको बताए । कोरोनाको महामारीमा सयौ मानिसको उद्धार र शव व्यवस्थापनको उच्च मुल्याङकन गर्दै यही २०७९ वैशाख १ गते नेपाल सरकारका तर्फबाट सम्माननीय राष्ट्रपति विद्यादेवी भण्डारीज्यूबाट सुप्रवल जनसेवाश्री मानपदवीले सम्मानित भएका छन् ।

प्रतिक्रिया दिनुहोस