पत्रकार महासंघ पाल्पाको भवनमा आइसोलेसन निर्माण हुने

पत्रकार महासंघ पाल्पाको भवनमा आइसोलेसन निर्माण हुने

पाल्पा, बैशाख २२
पत्रकार महासंघ पाल्पाले आफ्नो भवनमा आइसोलेसन निर्माण गर्ने भएको छ । कोरोना जोखिम थप बढ्दै गएको र अग्रपंक्तिमा रही काम गर्ने पत्रकारहरु जोखिममा रहेकोले महासंघको तानसेन मेहल्धारा स्थित भवनमा ५ बेडको आइसोलेसन निर्माण गने जनाएको छ ।
अक्सिजन सहितको आइसोलेसन निर्माण तथा ब्यवस्थापनका लागि शाखा उपाध्यक्ष भरत शर्माको संयोजकत्वमा सचिव यज्ञमूर्ति तिमिल्सिना र कोषाध्यक्ष मुक्तिप्रसाद न्यौपाने सदस्य रहने गरि उपसमिति गठन गरिएको छ ।

आइसोलेसन ब्यवस्थापन तथा संचालनका लागि जिल्ला अस्पताल र स्थानीय स्वास्थ्य शाखाहरुसित स्वास्थ्यकर्मीसितको समन्वय मिलाउने निर्णय समेत भएको छ ।
महासंघले कोरोना जोखिम बढ्दै गइरहेकोले सुरक्षित भएर समाचार संकलन तथा सम्प्रेषणमा ध्यान दिन पत्रकारहरुलाई आग्रह गरेको छ । त्यस्तै बैठकले महासंघका पुर्व कार्यसमिति सदस्य तथा साधारण सदस्य हरि बहादुर बिक (सुवास) का पिता लोक बहादुर बिकको दुबै मृर्गौलाले काम गर्न नसक्ने भएकोले मर्गौला प्रत्यारोपणका लागि आर्थिक सहयोग गर्ने सचिव यज्ञमूर्ति तिमिल्सिनाले जानकारी दिनुभयो ।

प्रतिक्रिया दिनुहोस