नेपाल बैंककाे डिजिटल पाल्पा अभियान

नेपाल बैंककाे डिजिटल पाल्पा अभियान

डिजिटल पाल्पा अभियान अन्तर्गत नेपाल बैंक लिमिटेड पाल्पाले एक सय अठार जनालाई फोनपे क्यूआर काेड वितरण गरेकाे छ ।

तानसेनका व्यवसायीहरुलाई क्यू आर स्टेन्ड वितरण गरिएको हाे । तानसेन नगरपालिका प्रमुख अशाेक कुमार शाहीले वसायमा क्यास लेस कारोबारका कारण छिटो, छरितो र सरल रुपमा कारोबार गर्न सकिने भएकाले सबैले यसको प्रयोगलाई बढाउनुपर्ने र यसको लागि तानसेनका बैंक तथा वित्तीय संस्थाहरुले यस किसिमको जागरणका कामहरु गर्नुपनकुरामा जोड दिए ।

कार्यक्रमका विष्ठि अतिथि नेपाल राष्ट्र बैंक सिद्धार्थनगरका उपनिर्देशक रमेश न्यौपानेले नगदको प्रयोग गर्दा जोखिम हुने, पैसा छिटो झुत्रो हुने भएकाले राज्यको खर्च पनि बढ्ने हुँदा फोन पे को क्यू आर प्रयोगबाट नगद रहित कारोबार बढ्न जाँदा यसले समग्र रुपमा देशलाई नै फाइदा पुग्ने बताए ।

शाखा प्रबन्धक सुरज घिमिरेको अध्यक्षता रहेको उक्त कार्यक्रममा नेपाल बैंक लिमिटेड, लुम्बिनी प्रादेशिक कार्यालयका प्रमुख पासाङ् दोर्जी शेर्पा, मुख्य प्रबन्धक लेखनाथ भुषाल, उद्योग वाणिज्य संघ, पाल्पाका अध्यक्ष राजु महर्जन, पाल्पा व्यापार संघका सदस्य नारायण वस्याल लगायतले नगदरहित कारोबारमा जोड दिनुपर्ने बताए । कार्यक्रम लक्ष्मी शर्माको स्वागत तथा शिवसुन्दर पोखरेलको सञ्चालनमा होटल पौवा, तानसेनमा सम्पन्न भएको थियो ।

प्रतिक्रिया दिनुहोस