कांग्रेसले मंसिर २९ गते सरकारविरुद्ध प्रदर्शन गर्ने

कांग्रेसले मंसिर २९ गते सरकारविरुद्ध प्रदर्शन गर्ने

नेपाली कांग्रेसले सरकारको पछिल्ला गतिविधिको बिरोधमा मंसिर २९ गते देशभरी बिरोध प्रदर्शन गर्ने निर्णय गरेको छ। प्रमुख प्रतिपक्षी कांग्रेसले बुढानीलकण्ठमा शुक्रबार दिउँसो बसेको पदाधिकारी र पूर्व पदाधिकारीको आकस्मीक बैठकले कोरोना भाइरसको नियन्त्रण र त्यसले निम्त्याएको असहजताबाट मुलुकलाई उतार्नुको साटो निषेधको राजनीति गर्न सक्रिय भएको ठहर गरेको हो।  

सरकारको जनबिरोधी कदमकाविरुद्ध पार्टीले मंसिर २९ गते देश व्यापी बिरोध प्रर्दशन गर्ने निर्णय गरेको जानकारी दिंदै उपसभापति विमलेन्द्र निधिले भने,‘सरकारले संसदको बैठक बेलाउन गरेको आलटाल, आर्थिक अनियमिता, कोरोना भाइरस नियन्त्रण र त्यसले पारेको प्रभावमा गरेको व्यवास्ता, तनहुँ घटनाको बिरोधमा पार्टीले मंसिर २९ गते देशभरी बिरोध कार्यक्रम गर्नेछ।’

तनहुँबाट शुक्रबारै काठमाडौं आएका नेता पौडेलले बैठकमा घटानका विषयमा जानकारी गराउँदै सभापति देउवासहित सबै नेताबाट घटनाका विषयमा देखाएको चासोप्रति धन्यवाद दिएका थिए।

प्रतिक्रिया दिनुहोस