पाल्पा, असार १५

जिल्ला सदरमुकाम रहेको पाल्पामा नेकपा एमालेले अग्रता लिएको छ । मेयरमा रुख चिन्हले २१५, एमाले ३३१, हसिया हथौंडा २४, मसाल २ र क्यामेराले ४ मत प्राप्त गरेको छ ।

उपमेयरमा रुख २५८, सूर्य २८३, हसिया हथौडा ३६, मसाल १, घर ३ र गाईले १ मत प्राप्त गरको हो । अहिलेसम्म तानसेनको वडा नं. १ मा रुख ८६, सूर्य १५८, हसिया हथौडा ३८ र घरले ४ मत प्राप्त गरेको छ । त्यस्तै वडा नं. २ मा रुख १५५, सूर्य ११९ र भुईकटहरमा २४ मत गणना भएको छ ।

बुधबार सम्पन्न भएको निर्वाचनमा ७२ दशमलव ७४ प्रतिशत मत खसेको मुख्य निर्वाचन अधिकृत भरतमणी खनालले बताए । जिल्ला सदरमुकाम तानसेन नगरपालिकाको मतगणना स्थलमा पत्रकार प्रवेशमा नियन्त्रण गरिएको छ । जिल्लामा तीन जना पत्रकारहरुलाईमात्र प्रवेश अनुमति दिइएको हो । पत्रकार महासंघ पाल्पाका सभापति राजेशकुमार अर्यालले महासंघ पाल्पालाई समन्वय नगरि प्रवेशमा नियन्त्रण गरिएको जानकारी दिए । उनले दलहरुको बैठकमा सहमति नभएकोले थोरै पत्रकारलाई प्रवेश अनुमति दिएको बताए ।

मतगणना स्थल पाल्पा दरबार परिसरमा पत्रकारहरुलाई तीन वटा पास व्यवस्था गरिएको छ । केही निश्चित व्यक्तिहरुलेमात्र पासको उपयोग गर्दा धेरै पत्रकार बाहिर कुरुवा झै बसिरहेका छन् । दरबार परिसर भित्र क्यामेरा, मोबाईल, रेकर्डर समेत लैजान दिईएको छैन ।