विश्व शारीरिक सुगठनः भारतलाई उछिन्दै नेपालले जित्यो स्वर्णपदक

काठमाडौं– विश्वव्यापी शारीरिक सुगठन प्रतियोगितामा नेपालले स्वर्णपदक जितेको छ। थाइल्याण्डमा आयोजित १० औं संस्करणको प्रतियोगितामा नेपालका महेश्वर महर्जनले ७५ केजी तौल समूहमा भारतसहित ४ देशका प्रतिस्पर्धीलाई उछिन्दै स्वर्ण जितेका हुन्।

आफ्नो समूहका १२ राष्ट्रका बडीबिल्डरबाट टप ५ मा पुगेका महेश्वरले फाइनल राउण्डमा भारत, सिंगापुर, थाइल्यान्ड, उब्जेकिस्तानका बडीबिल्डरलाई उछिन्दै स्वर्णपदक हात पार्न सफल भए।

प्रतियोगितामा भारतका जयप्रकाश दोस्रो, सिंगापुरका बडीबिल्डर तेस्रो, थाइल्यान्डका चौंथो र उज्बेकिस्तानका बडीबिल्डरले पाँचौं स्थानमा चित्त बुझाए।

महेश्वरले यसअघि भुटानमा एसियन बडिबिल्डिङ च्याम्पियनसिपमा पनि स्वर्ण जितेका थिए।

SHARE